點人數

spetoct

親身經歷 ，事件發生在昨晚，昨晚吃完飯回家，在大堂包括我在內有5個人等lift，我、一個媽媽帶住一個4-5歲小妹妹，另外有一對夫妻 ，開頭都無什麼特別事情 ，大家都是街坊都有打招呼，當lift門打開個個便入lift，lift門未關個小朋友就講：嘩～～好多人呀！班大人開頭都無理個小妹妹，基本上部lift內可容納9個人，加上4個大人的身材並不大份 ，所以好鬆動的 ，之後個小妹妹不停叫好多人呀～好多人呀！個媽咪終於忍不住話邊道多人呢？個小妹妹就話：真係好多人呀 ，好逼呀！之後媽媽就話：呢道得5個人還有大把空位剩多你個頭呀！之後個小妹妹就話：不是呀不是呀這裡有7個人呀！ 之後lift關了，個妹妹指住D人開始數數字由1、2、3、4、5, 數完5後便用手指指住空檔位置數6、7個，所以是7個人呀，這時整部lift D人都靜世 ，我開始留意小妹妹，之後個小妹妹再數多次，好像要證明佢無數錯，又再指住D人開始數數字由1、2、3、4、5, 數完5後便用手指指住空檔位置數6、7個，之後她的媽媽都可能估到某D野在 ，所以對個小朋友講： 係喇係喇～唔使再數喇！ 而我住6樓第一個出lift，我都專登避行空檔位置，靠則邊行，邊行邊講唔該借借。 第一時間離開部lift加快腳步入屋，關了lift門後發生什麼事我不清楚了。